fuga mobilya
Welkom by ons webtuiste

Sportuitslae

Jongste nuus...

BEDRYWIGE VAKANSIE VIR ROOIES!

’n Heerlike vakansie lê voor wat propvol sport, dans én akademie is vir elke ROOIE om hom-/haarself na hartelus uit te leef!
HTS Middelburg bedank graag elke ouer, afrigter, organiseerder en deelnemer wat waardevolle vakansietyd opoffer om die ROOIES op verskeie gebiede te verteenwoordig!
Die vakansieprogram sien daaruit soos volg:
28 Junie – 3 Julie: All Ages Netbaltoernooi
27 - 30 Junie: Mpumalanga Junior Laeveld Tennistoernooi te Nelspruit
26 Julie – 2 Aug: O/16-Akademieweek
6 - 9 Julie: Grant Khomo Rugby te Oudshoorn
6 – 9 Julie: SARU O/18-Akademieweek
12 – 18 Julie: Cravenweek te Paarl
13 - 17 Julie GR.12-Winterskool
15 – 19 Julie: Mpumalanga Hokkie te Hockey Farm
17 – 18 Julie: Revue-oefening

‘Stem vir Middelburg’ is natuurlik op almal se lippe en die ROOIES beplan om ook hier hul volle gewig in te gooi! HTS Middelburg stel hul ouditorium oop as ‘stemlokaal’ van 15 – 19 Julie waar ‘n ieder en elk kan kom deel in die stemmery. Daar sal self leerders beskikbaar wees om namens die ouer garde hul slimfone te bedryf om te stem!
Die derde kwartaal beloof ook om gelaai te wees met aksie vir elke moontlike belangstellende! Vir netbalgeesdriftiges wink die Coke-reeks en Topskole-netbal; gholfliefhebbers swaai hul stoke by die Nasionale Kampioenskappe te Irene; die Hockey Farm huisves vanjaar se semi-finale Mpumalanga Uitspele en die ROOIES dans die verhoog aan die brand tydens vanjaar se Revue!

Hou dus die ROOIES dop vir aksie-belaaide, jolliefikasie en inspirasie, want ‘n leeftyd gebeur net één keer!

#‎ONTHOU‬!
Dis reg! Dis weer sulke tyd by HTS Middelburg!

Die Revue-span oefen baie hard om skuins na die vakansie gereed te wees vir vanjaar se extravaganza van klank, kleur, polsende ritme, immergroen melodieë en jeugdige vreugde wat herinneringe in elke hart en gemoed sal lostorring!
Die tema is ’n lekker moderne #onthou !

Bykans 130 leerlinge van die skool (en dit sluit die Eerste sowel as die O/14-Rugbyspan in) is flink besig om die laaste musiek en choreografie te bemeester vir hierdie skouspel wat op 12, 13, 14 (Skuurdansfunksie), 17 en 18 Augustus in die Skoolsaal aangebied word.

Kaartjies kos R60 per persoon (volwassenes en hoërskoolleerlinge) en R30 vir laerskool- en
jonger kinders. Vir die Skuurdansfunksie op 14 Augustus kos kaartjies R100 pp en gasvrouens
sal die kaartjies verkoop. Die vertoning sal voorafgegaan word deur ’n opperste skuurdansete en interessante drinkgoed.

Maak seker dat hierdie spesiale opskopaande nie misgeloop word nie! Dit beloof om iets buitengewoons te wees, iets wat lank onthou sal word!!

Kaartjies sal na die vakansie by die skoolkantoor beskikbaar wees.

Hoër Tegniese Skool Middelburg's photo.


NETBAL BY MUSSA VANJAAR WÉÉR BLOEDROOI!


HTS Middelburg se netbalspanne het op 19 en 20 Junie die bane van HGH bloedrooi en behoorlik aan die brand gespeel, tydens die MUSSA-Netbalkampioenskappe.

 

 

Read more...
 
PDF Print E-mail

VIR NUWE AANSOEKE BENODIG ONS DIE VOLGENDE:

  1. Aansoekvorm
  2. Geboortesertifikaat
  3. Rapport

SKOOLAANSOEKE:

Voltooi die aansoekvorm en stuur so spoedig moontlik terug na die skool deur dit te:

EPOS - This e-mail address is being protected from spambots. You need JavaScript enabled to view it

Read more...