fuga mobilya
Welkom by ons webtuiste

Sportuitslae

Jongste nuus...

ROOIBULLE NAASWENNERS IN BEELDTROFEË

Vir die man op straat is ‘n rugbywedstryd ‘n blote kragmeting wat plaasvind op die veld tussen vier lyne met 22 spelers in ‘n span, maar enige sportgeesdriftige sal egter ‘n heel ander prentjie skets!

‘n Wedstryd vind óók plaas in die hart van elke toeskouer hetsy dit nou die skare op die pawiljoen is of die skeidsregter, aankondiger, afrigter of fotograaf langs die veld wat toekyk, toejuig en soms toe-oë staan en ‘n skietgebedjie sê...

Dit was ook geen ander ervaring vir die ROOIES-ondersteuners wat opgetrek het na die Jakarandastad om húl ROOIBULLE van die kantlyn af te ondersteun nie – dit was immers die finále kragmeting van die Makroskole Beeldtrofeë!

Met tye was daar hoendervleis oomblikke soos toe Gerik Mynhard en Brandon Parr-Bailey kort voor halftyd die telling opgeskuif het na 26-10 en die ROOIBULLE oortuigend voorlopers van die eindstryd was!  Ander naelbytoomblikke het die adrenalienvlakke behoorlik laat bruis en ‘n mens kon letterlik die skare ‘hoor’ asem ophou toe die ROOIES-verdediging met ‘n duikslag bo-oor die doellynvlaggie vir Garsies verhoed het om ‘n drie aan te teken.

Krag teen krag, span teen span en man teen man – dít is die kort en die lank van enige wedstryd!  Die man op straat sal geluksê aan die wenspan en jammer voel vir die verloorders, maar vir die deelnemers met wáre sportmangees is selfs ‘n ‘verloor’ uiteindelik ook ‘n ‘wen’, want selfs wenners moes eenmaal verloor het om te kan weet wat dit beteken om die beste van die beste te wees!

Vergeet dus van ‘n selfaangestelde kommentator wat baie te sê het oor wat móés gebeur het (maar self nie deel was van die stryd nie en ook nooit sal wees nie...).  Vergeet verál van die telling op die bord wat vér te kort skiet om die volle verhaal te vertel van dapperheid en vegtergees óp die veld.

Om in die Beeldtrofeë se finale te kon meeding was rééds ‘n uitsonderlike prestasie en ‘n geleentheid wat min in hul leeftyd ooit sal hê.   HTS Middelburg salueer die ROOIBULLE: dit was ‘n voorreg om julle te kon ondersteun van die kantlyn af en dit bly ‘n voorreg om te kan sê ons bloed is ROOI!

Die eindtelling was 40-42 in die guns van Garsfontein.  Die wentelling vir die ROOIES was egter die saamstaan, saamwees en saam baklei, want dit is meer as net ‘n trui, dit is wat ons EEN maak.  Daarom juig ons harte: Een hart, Een skool!

Kliek hier vir foto's

ROOIES-TENNIS WÉÉR MPUMALANGA SE BESTE!

HTS Middelburg se tennisspanne het op Vrydag, 21 Augustus, aan die finale Mpumalanga uitspele in Secunda deelgeneem en groot welslae behaal!

Die ROOIES se Eerste seuns- en dogtertennisspanne wen hul Nelspruit opponente in die semi-finaal en klop Ermelo oortuigend in die finale kragmeting. HTS Middelburg se Tweede dogterspan het ook as wenners uit die stryd getree!

Die Tweede seunspan buig egter die knie in ‘n naelskraap wedstryd teen Ermelo in die finale. Die Vierde seunspan dring deur tot die semi-finale waar hulle ongelukkig teen Uplands die spit afbyt.


 

 

 

 

 

 

 

 

 

 

 

 

 

 

 

 

 

 


ROOIES @ EISTEDDFOD = STERRE!

HTS Middelburg spog reeds in die eerste week van die 2015-Eisteddfod met ‘n rits toekennings o.m. 16 goue, 2 silwer medaljes en 18 diplomas!

Su-Mare Cloete verwerf 4 diplomas in verskeie afdelings naamlik die oop afdeling, Afrika-danse, jazz en hiphop asook 2 goue toekennings vir klop- en kontemporêre dans.

Vené van Rooyen - goud vir jazz
Chloe de Wet - goud vir kontemporêr
Sharné Losper - silwer vir jazz
Imcke Marais - diploma vir jazz
Zanté Marais - diploma vir kontemporêr

Bernhard Kotzenber en Imcke Marais het nie net met die ROOIES-revue die gehoor in vervoering gehad nie ... Tydens hul vertoning by die Eisteddfod beïndruk dié gewilde danspaar die beoordelaars en verwerf – tereg – ‘n diploma vir hul pas de deux.

Read more...
 
PDF Print E-mail

Slimstes onder al die slimmes!  Top 10 (Tweede Kwartaal)

Foto: Gr.8 Top 10 Tweedekwartaal: Voor: Aidan Cosslett (9de), Amy Krynen (7de), Elsabeth van Wyk (1ste) en Anja Erasmus (2de). Agter: Francois-Dean Birkholtz (6de), Edwin Till (1ste), Pierre Joubert (3de), Mnr Coene Nolte (graadvoog), Zander Briedenhann (4de) en Jandré van der Walt (8ste). Afwesig: Maryke de Jager (5de)

Foto: Gr.8 Top 10 Tweedekwartaal: Voor: Aidan Cosslett (9de), Amy Krynen (7de), Elsabeth van Wyk (1ste) en Anja Erasmus (2de).

Agter: Francois-Dean Birkholtz (6de), Edwin Till (1ste), Pierre Joubert (3de), Mnr Coene Nolte (graadvoog), Zander Briedenhann (4de)

en Jandré van der Walt (8ste). Afwesig: Maryke de Jager (5de)

Read more...
 
PDF Print E-mail

VIR NUWE AANSOEKE BENODIG ONS DIE VOLGENDE:

  1. Aansoekvorm
  2. Geboortesertifikaat
  3. Rapport

SKOOLAANSOEKE:

Voltooi die aansoekvorm en stuur so spoedig moontlik terug na die skool deur dit te:

EPOS - This e-mail address is being protected from spambots. You need JavaScript enabled to view it

Read more...
 

 

Ons plaas graag 'n skakel hier na die volgende Rooies-kommunikasiekanale:

Rooies-facebook:

www.facebook.com/rooibulle

Rooies-kommunikeerder op u selfoon:

mobi.d6communicator.com/mobile/home

Skoolkaart:

kaart

Rooies-kommunikeerder:

www.school-communicator.com/download.php?schoolid=5080

Read more...